Zyrtari amerikan jep lajmin e madh: Shqipëria do të marrë helikopterë “Black Hawk”

NATO nuk ka plane konkrete për të ndërtuar tjetër bazë ushtarake në Shqipëri, përveç bazës ajrore të Kuçovës, ndërkohë që qeveria shqiptare pritet të marrë brenda vitit 2023 helikopterë “Black Hawk” si pjesë e shtimit të kapaciteteve ushtarake.

Kreu i Zyrës së Bashkëpunimit për Mbrojtjen në Ambasadën e SHBA, Erol Munir, tha se vitet e fundit Shqipërinë e kanë vizituar disa gjeneralë të rëndësishëm të NATO-s për të shqyrtuar mundësinë për investime.

”Aktualisht nuk kemi asnjë plan për të ndërtuar baza të NATO-s në Shqipëri, por së fundmi kemi pasur vizitën e tre gjeneralëve të rëndësishëm në Shqipëri, një prej të cilëve Gjenerali Wolters, komandanti i forcave amerikane të vendosura në Evropë, gjithashtu gjeneralët e tjerë bënë një vlerësim të infrastrukturës së Shqipërisë, do të shikojmë bazat që janë të vendosura në Shqipëri për të pasur në vëmendje nëse mund të kemi investim në të ardhmen, por aktualisht nuk kemi ndonjë plan konkret përveç asaj që kemi në Kuçovë, e cila do të fillojë punimet së shpejti këtë vit”,-tha në ”EuroNews Albania”.

error: Alert: Content is protected !!